Mamlaka ya Udhibiti ya Huduma za Maji na Nishati Zanzibar (ZURA) imefanya ukaguzi wa ubora wa huduma ya Maji kwa kukagua visima mbali mbali vya usambazaji wa Maji majumbani katika Wilaya ya Kaskazini “A” .
Mamlaka imefanya ukaguzi huo tarehe 27 Septemba 2023 kwa kushirikiana na Mamlaka ya Maji Zanzibar (zawa) katika maeneo mbali mbali ikiwemo Chaani, Kilindi, Kiashangi, Matemwe Mlili na Kandwi.
Ukaguzi huo umejikita zaidi katika kuboresha na kuimarisha ubora wa maji yanayosambazwa kwa wananchi kuhakikisha yapo katika kiwango (standard ) inayotakiwa nayapo katika mazingira salama kwa watumiaji.
Aidha, ZURA imeitaka Mamlaka ya Maji Zanzibar (ZAWA) kuimarisha ulinzi imara na kuhakikisha Miundombinu inalindwa ipasavyo kwa muda wote, pia, ZURA imesisitiza kuwa itahakikisha ulinzi katika vyanzo vya Maji unaimarishwa ili kuvilinda ipasavyo vyanzo hivyo na kuzuia kutokea uharibifu .
Mamlaka hufanya ukaguzi wa vyanzo na miundombinu ya Maji mara kwa mara Unguja na Pemba ili kuhakikisha Huduma ya Maji inayotolewa inakuwa katika hali ya usalama Zaidi